قــصـيــدهــ للـشاعــر الـكـبـير أبن أفطيس

قــصـيــدهــ للـشاعــر الـكـبـير أبن أفطيس

--------------------------------------------------------------------------------

السلام عليكم ورحمة الله وبركاته





الله يجازي من يسوي سواتك=وبذنوب من سوى سواتك يجازيك
مشيت درب الثقل وتحب ذاتك= ماتدري انه للمهالك يوديك
وغرك جمالك ياخسارة حلاتك= ماتدري ان ماغير طبعك يحليك
بتقول زينك يشفع لسيئاتك= الحسن ماهوعن وفا الحب يعفيك
لوالتواضع والوفا من سماتك= بعت الحبايب كلهم دين واشريك
لكن عجزت اغيرك ياجراتك= على الغياب اللي بلاعذرينجيك
خطاي في توضيح وشي غلاتك= وخطاك في توضيح وشو تغليك
وشلون توصيني وتنسى وفاتك= وتصد عن صوت(ن) تقطع يناديك
مافادك التجريح والعذرفاتك= وتبغي رضاي الحين ماعاد يمديك
صحيح احبك بس هذي جزاتك= بعلمك درس (ن)يفيدك ويحيك
تدري وش ابيض من خفوقك ؟عباتك= وتدري وش اللي غرني نظرتي فيك
ادري بتستغرب تصبر وجاتك= قصيدة (ن)من واحد (ن)كان يبغيك
وتبغي تناظر وانت عايش مماتك= شف وحدتك والناس تجلس حواليك
تبغي تشوف اشجع رجل في حياتك = شفني واناراحل على كثر ماغليك